Kritikak eta Iruzkinak

Ze gustukoak liburu labur eta zuzen hauek. Cynan Jonesek Magnus Millsen El encierro de las bestiaseko oso antzekoa den mundu heze, ilun eta bortitz horretara garamatza, liburuetan ezagutu baino ez nahiko nukeen landa eremuko Ingalaterra hortara (Wales, oraingoan) eta apur bat kolokan irtetan zara bidaia horretatik.

Liburuaren inguruko infoa bilatzen nengoela, oso egokia iruditu zaidan iruzkina topatu dut hor nonbait.

Detaileak; liburua inolako azalpen barik irakurtzen jarri nintzen eta hasieran ez nuen ulertzen zer gertatzen zitzaion protagonistari, bipolarra ote zen edo drogen menpe zegoen edo batek daki zer. Gerorago konturatu nintzen pertsonaia ezberdin bi zirela.

Baserriko troka batean hainbat azkonar-zulo agertu zirenean beste horrenbeste azkonar egongo zela pentsatu nuen eta liburu honen ostean konturatu naiz bakarra izan daitekeela irtenbide ugari sortzen dituztelako euren kabietan.

Irakurketa bitartekarien garrantziari buruzko adibide ezin hobea. Hamar urte baino gehiago zela mailegurik jaso ez zuen liburua, argitaletxeak berak ere deskatalogatuta zuena, liburu-dendarien buruhauste itzela bihurtu zen iaz irratsaio batean gomendatu zutenean (Un libro, una hora SER irratian, YouTuben gaztelaniaz)

Nonon irakurrita neukan Chekhoven ipuinek, landa eremuko errusiar txiroen bizipenak narratzen zituztenak (Iker Sanchok aukeraketa ederra apailatu zuen, bide batez) eragin handiagoa izan zutela Nikolas II.aren herriarenganako sentimenduan aurkezten zizkioten txosten mardul eta dokumentatuek baino. Tira, etzion larrerako balio izan, baina doala konparaketarako ea De Viganen liburuak eragin gehiago duen 'sharenting' kontuetan murgilduta edo ez hain kezkgarria iruditzen zaien pertsonei Zuboff edo holangoen lan dokumentatuek baino.

Egilearen Esker onak (Aiora Jaka itzultzaile) liburuan agertzen duen estilo berean iruditu zait hau ere. Zuzen eta oso doitua, baina zerbaitek karrask egiten duenetarikoa (karrask zapata barruan izan dezakezun hartxintxarraren zentzuan, ez karrask gizateria nora doan izpirituan behin eta berriro kolpatzen dizun zentzuan). Teknika aldetik, harrigarria iruditu zait zelan liburuari ia heren bat falta zaionean askatzen duen korapiloa, lanari narrazio-tentsioa leunduz.

Xehetasun tontoen atalean, liburuaren orrialde-kopurua, ISBNan argitaletxeari dagokion zenbakiarekin bat egiten du (ISBN zenbakiaren blokeetan, hirugarrenak argitaletxeari egiten dio erreferentzia).

Elegosen hilabetero proposatutakoen artean garaiz irakurri dudan bakarrenetarikoa (Aliziaren untzi zuriaren antzera nabil) eta nahiko gustura irakurtzen dela iruditu zait, nahiz eta ez izan oso gusutko distantzia laburrak.

Josebaren eskariari jarraituz, irakurtzen nengoan einean zaila egiten zitzaidan ipuinen bat aukeratzea. Zalantzatzan nengoen 'Saizarrionaindia'ren eta Elkanoren ipuinen artean (nahiz eta azken honek sinesgaitasunaren eten handi samarra eskatzen zuen denbora haietako nonork erregeari horrela idatzi ziokeenekik suposatzeko) baina azkenengora heldu naizenean (neodonostia, vudu) nahiko argi izan dut. Asko gustatu zait bere Richard Morganen ukutua (Altered carbon) Etxeberriatarren Artxipielagoarekin girotuta eta istorioak ere harrapatu egin nau.

Fun fact; bosgarren ipuinean Josebe Gabilondoren Babel aurretik liburua txarto katalogatuta aurkitzen badu KMKn, beste hau ere ez-fikzio atalean kokatuta dago liburutegi gehienetan (politika sailan, hain zuzen). Ez dakit zuzen edo gaizki dagoen (azken finean dena baita politika) baina, behintzat, ultrafikzio ariketa bat dirudi.