Kritikak eta Iruzkinak

Ingelesez irakurri nuen lehen nobela. Ez da C1 maila behar, beraz. Hor nonbait, baina nahiko erraz, hiztegiarekin.

Ez naiz inoiz bereziki txakur zalea izan, baina oso ederra da liburu honetan txakurraren lekuan jartzea eta familiaren alde nola egiten duen ikustea. Txakurrek daukatena baino inteligentzia gehiago eta pertsonen kontuei buruzko ezagutza jartzen dio txakurrari idazleak, baina berdin du. Oso polita da ikustea nola saiatzen den txakurra familiari laguntzen.

Norbaitek irakurri eta aipatzen badu, pozik entzungo ditut iritziak!

Emakume batek euskaraz idatzitako lehen eleberria dela entzun izan dut. Horregatik bakarrik, bilatu beharrekoa.

Gainera, esaldi jarraien zurrunbiloa baliatuz irakurleari estresa transmititzeko idazleak erabili zuen baliabidea pasada bat da.

Senarra ez dago, eta amak semea zaindu behar du, beste ardura guztiekin batera. Egun oso bat biziko du irakurleak, izan emakume edo gizon. Hileko eta guzti.

Asko gustatu zitzaidan liburu hau. Euskal herriko gatazkari buruzkoa da, lekuen eta momentuen arteko saltoak, gertakarien kontakizun bat.

Baina ez dago dialektika klabean. Ez dago, sarritan gauza hauez hitz egiten dugunean bezala, espainiar bati gauzak esplikatzeko eran idatzia. Ez dakit ondo azaldu dudan. Memoria historiko propioa euskaldunoi posible izan dagigun, ariketa zintzoa iruditu zitzaidan liburu hau idaztea. Eskertzekoa.

Irakurri eta komentatu!!

PD: Idazkerarekin ohitu behar izan nuen hasieran, ez dakit esaldi luzeengatik edo zergatik, baina halako sentsazio bat gogoratzen dut.

Oso liburu liberala da, enpresari bati asko gustatu ahal zaiona. Arrakasta zure esku dagoela dioen horietakoa, sistema batean boterea daukatenek botere hori ziurtatu eta handitzeko egiturarik ez balego bezala.

Hala ere, irakurri daiteke. Fabula ulerterraza eta desberdin jokatzen duten bi pertsonaien emozio eta pentsamenduak aztertzea baliagarri izan ahal zaio pertsona orori. Bi zaldun (gizon) dira, zehazki, ipuin androzentrikoa beraz, kutsu anglosaxoiarekin.

Katalanez irakurri daiteke, maila baxua izan arren.

Familiarekin asteburupasa etorri gara alokatu dugun landetxe batera. Etxean utzi nuen liburu luzeago bat eta Puskak ekarri dut, txikiagoa zelako eta ipuin arinak-edo izango zirelakoan, baina arreta eskatzen du eta ezin izan dut.

Hasieran pentsatu dut itzulpenagatik zela (bokarta hiztegian begiratu behar izan dut antxoa dela jakiteko, jertse marguldua beharrean koloregabetua ere itzul zitekeen...), baina liburua bera ere arraro samarra da 😅

Ea jendeari gustatzen zaion!

Asko gustatu zait liburua. Ismael idazlea, Jasone emaztea, Ismaelen aita, eta ama, eta Libe arreba, eta Jauregi editorea.

Bitxia da, ez naizelako identifikatuta sentitu Ismaelekin, ez dut bere aitarengan nire aita inondik inora ikusi, bere amarengan nirea ere apenas, ez daukat arrebarik ere... Baina, hala ere, gustura eta adi irakurri dut nola bizi den pertsonaia bakoitza.

Paragrafo batzuk bikainak. Gustura irakurri dut kapitulu bakoitza (hurrengora salto egiteko gogoz ere bai inoiz) eta zeozer ikasi dut, bai!

Galdera bat @JokinKong@paperjale.eus, @kakapo@paperjale.eus eta @Uxue@paperjale.eus, irakurri duzuen liburua hau da, ezta? www.anagrama-ed.es/libro/panorama-de-narrativas/sumision/9788433979230/PN_893

Editatuko dut portada, ISBN kodea eta abar? Ez naiz ausartu eta badaezpada ere galdetzea bururatu zait (irakurtzeko gogoa ere eman didazue!).

Ea mezu honen jakinarazpena iristen zaizuen... hala bada, erantzun mesedez!